მარნეულისა და ბოლნისის მუნიციპალიტეტების შესასვლელებთან შსს-ს თანამშრომლები არიან მობილიზებული

მარნეულისა და ბოლნისის მუნიციპალიტეტების შესასვლელებში შსს-ს თანამშრომლები არიან მობილიზებული. გატარებული ღონისძიებები მუნიციპალიტეტების ტერიტორიაზე მკაცრი საკარანტინო რეჟიმის დაწესებას უკავშირდება.

როგორც ცნობილია, მთავრობის გადაწყვეტილებით, მარნეულისა და ბოლნისის მუნიციპალიტეტები კორონავირუსთან დაკავშირებით შექმნილი მდგომარეობის გამო მკაცრ საკარანტინო რეჟიმზე გადავიდა.

პრემიერ გიორგი გახარიას განცხადებით, დღეიდან იზღუდება, მარნეულის და ბოლნისის მუნიციპალიტეტებში, შესვლა და გამოსვლა, იხურება ყველა ობიექტი, ხელმისაწვდომი იქნება მხოლოდ საკვები პროდუქტების, მედიკამენტების და კრიტიკული ინფრასტრუქტურის სხვა ობიექტები.

ასევე შეიზღუდება საზოგადოებრივი ტრანსპორტის მოძრაობა, მუნიციპალიტეტის ტერიტორიის შიგნით იზღუდება გადაადგილება გარდა იმ შემთხვევებისა, როდესაც მაცხოვრებლები გადაადგილდებიან საკვები პროდუქტების ან მედიკამენტების შესაძენად, ან სამედიცინო მომსახურების მისაღებად.

"ასევე, ჩვენ დავუშვით გამონაკლისი და იმ შემთხვევაში, როდესაც გვექნება მედიკოსების მიერ მკაფიოდ გაწერილი პროტოკოლი, შესაბამისად, შესაძლებლობა მარნეულის და ბოლნისის მოქალაქეებს საშუალება მივცეთ , სასოფლო-სამეურნეო სამუშაოების ჩატარების“, - განაცხადა გიორგი გახარიამ.

მისივე თქმით, მუნიციპალიტეტის ტერიტორიებზე საზოგადოებრივ წესრიგს დაიცავს და საგანგებო რეჟიმს უზრუნველყოფს შსს.

ცნობისთვის, აღნიშნული გადაწყვეტილება მას შემდეგ იქნა მიღებული, რაც მარნეულის მცხოვრებ ქალს კორონავირუსი დაუდასტურდა. ცნობილია, რომ ის წლისთავზე იმყოფებოდა, რომელსაც ორი მუნიციპალიტეტის მცხოვრებლების გარდა, სხვა ქვეყნიდან ჩამოსული სტუმრებიც ესწრებოდნენ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა