მარნეულსა და ბოლნისში ვითარებას კოორდინაციას სოზარ სუბარი გაუწევს

საქართველოს პრემიერ-მინისტრ გიორგი გახარიას განცხადებით, მარნეულისა და ბოლნისის მუნიციპალიტეტებში არსებულ ვითარებას კოორდინაციას პრემერი-მინისტრის მრჩეველი სოზარ სუბარი გაუწევს. ამის შესახებ გიორგი გახარიამ კორონავირუსთან დაკავშირებით მოქმედი უწყებათაშორისი საკოორდინაციო საბჭოს დასრულების შემდეგ გამართულ ბრფინგზე განაცხადა.

„პრეზიდენტის აპარატის და მთავრობის სახელით ამ მიმართულებას დღეს სოზარ სუბარი კურირებს, რომელიც ასევე შეასრულებს კოორდინაციის ფუნქციასაც“,-განაცხადა პრემიერმა.

მთავრობის გადაწყვეტილებით, მარნეულისა და ბოლნისის მუნიციპალიტეტები კორნავირუსთან დაკავშირებით შექმნილი მდგომარეობის გამო მკაცრ საკარანტინო რეჟიმზე გადავიდა.

ცნობისთვის, პრემიერ გიორგი გახარიას განცხადებით, დღეიდან იზღუდება, მარნეულის და ბოლნისის მუნიციპალიტეტებში, შესვლა და გამოსვლა, იხურება ყველა ობიექტი, ხელმისაწვდომი იქნება მხოლოდ საკვები პროდუქტების, მედიკამენტების და კრიტიკული ინფრასტრუქტურის სხვა ობიექტები.

ასევე შეიზღუდება საზოგადოებრივი ტრანსპორტის მოძრაობა, მუნიციპალიტეტის ტერიტორიის შიგნით იზღუდება გადაადგილება გარდა იმ შემთხვევებისა, როდესაც მაცხოვრებლები გადაადგილდებიან საკვები პროდუქტების ან მედიკამენტების შესაძენად, ან სამედიცინო მომსახურების მისაღებად.

"ასევე, ჩვენ დავუშვით გამონაკლისი და იმ შემთხვევაში, როდესაც გვექნება მედიკოსების მიერ მკაფიოდ გაწერილი პროტოკოლი, შესაბამისად, შესაძლებლობა მარნეულის და ბოლნისის მოქალაქეებს საშუალება მივცეთ, სასოფლო-სამეურნეო სამუშაოების ჩატარების“, - განაცხადა გიორგი გახარიამ.

მისივე თქმით, მუნიციპალიტეტის ტერიტორიებზე საზოგადოებრივ წესრიგს დაიცავს და საგანგებო რეჟიმს უზრუნველყოფს შსს.

ორ მუნიციპალიტეტში მკაცრი კარანტინის რეჟიმის შემოღების გადაწყვეტილება მას შემდეგ იქნა მიღებული, რაც მარნეულის მცხოვრებ ქალს კორონავირუსი დაუდასტურდა. ცნობილია, რომ ის წლისთავზე იმყოფებოდა, რომელსაც ორი მუნიციპალიტეტის მცხოვრებლების გარდა, სხვა ქვეყნიდან ჩამოსული სტუმრებიც ესწრებოდნენ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა