აშშ-ის კენტუკის შტატის რესპუბლიკელ სენატორს რენდი პოლს კორონავირუსი დაუდგინდა. ამის შესახებ ინფორმაციას „როიტერსი“ ავრცელებს.
სააგენტოს ცნობით, სენატორს ვირუსის სიმპტომები არ ჰქონია და კორონავირუსზე შემოწმება ხანგრძლივი მოგზაურობის გამო, უსაფრთხოების მიზნით ჩაიტარა.
რენდი პოლი აშშ-ის უმაღლესი საკანონმდებლო ორგანოს ზედა პალატის პირველი წარმომადგენელია, რომელსაც კორონავირუსი დაუდგინდა.
ბოლო მონაცემებით, აშშ-ში კორონავირუსის 34 000 შემთხვევაა დადასტურებული. გარდაცვლილთა რაოდენობა კი - 413-ია.