საქართველო მესამე დღეა საგანგებო რეჟიმში ცხოვრობს - დახურულია საზღვრები, აკრძალულია ფრენები, დაკეტილია სავაჭრო ობიექტების დიდი ნაწილი, მოსახლეობის უმეტესობა კი მთავრობის მოწოდების შესაბამისად, სახლებიდან არ გამოდის. ახალ კორონავირუსთან დაკავშირებით შექმნილი ვითარების გამო შემოღებული ზომები განსაკუთრებით იგრძნობა თბილისში, სადაც მუდმივად გადატვირთული ქუჩები ახლა თითქმის ცარიელია.
გთავაზობთ "ინტერპრესნიუსის" ფოტოკორესპონდენტების: გიორგი ნიკოლიშვილის და გიორგი ჟამერაშვილის მიერ მომზადებულ ფოტორეპორტაჟს, რომელიც დედაქალაქში შექმნილ უჩვეულო რეალობას ასახავს.