ცნობილ ამერიკელ კინოპროდიუსერს, ჰარვი ვაინშტეინს, რომელიც სექსუალური ძალადობისა და გაუპატიურების ბრალდებითაა დაკავებული, კორონავირუსი დაუდგინდა.

ნიუ-იორკის პენიტენციალური დაწესებულების წარმომადგენლები აცხადებენ, რომ 68 წლის მამაკაცი იზოლაციაში მოათავსეს. კარანტინშია გადაყვანილი ყველა ის პირი, რომელსაც საპატიმრო დაწესებულებაში ვაინშტეინთან კონტაქტი ჰქონდა.