რუსეთში ბოლო დღე-ღამის მანძილზე დამატებით კორონავირუსის 71 შემთხვევა დაფიქსირდა, რითაც ქვეყანაში ინფიცირებულთა რაოდენობამ 438-ს მიაღწია. ამის შესახებ ქვეყნის პრემიერ-მინისტრმა, მიხეილ მიშუსტინმა განაცხადა. მედიის ინფორმაციით, ქვეყნის მასშტაბით 52 000 ადამიანი ექიმების დაკვირვების ქვეშ, კარანტინში იმყოფება.

ცნობისთვის, ოფიციალური მონაცემების პარალელურად მსოფლიო მედიაში ვრცელდება ინფორმაცია, რომ ქვეყანაში კორონავირუსით ინფიცირებულთა რაოდენობა ბევრად მეტია და მოსკოვი რეალურ სურათს მალავს.