თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, მათ კლინიკაში კორონავირუსით ინფიცირებული სულ 6 პაციენტია. რატიანის განცხადებით, გარდა მარნეულიდან შეყვანილი ქალისა, დანარჩენი პაციენტების მდგომარეობაც მძიმეა და ხუთივე მათგანს მწვავე პნევმონია აღენიშნება.
„ჩვენს კლინიკაში სულ 56 პაციენტია, მათ შორის, ამ ეტაპისთვის მოთავსებულია 6 კოვიდინფიცირებული. რაც შეეხება დანარჩენი ხუთი პაციენტის მდგომარეობას, ყველასთან ვერიფიცირებულია Covid-19. ზოგადი მონაცემები ამ ეტაპაზე მათიც მძიმეა. ვინაიდან, ჩატარებული კლინიკურ-ლაბორატორიული კვლევის მიხედვით ყველა მათგანთან დასტურდება მწვავე პნევმონია, დაბურული ფილტვის სინდრომით, თუმცა ამ ეტაპამდე მათი ზოგადი მდგომარეობა რჩება მძიმედ, საყურადღებოდ, მაგრამ მართვადია. რამდენიმე ქალი, რომელიც ჩვენს კლინიკაშია მოთავსებული, დამძიმებულია გულ-სისხლძარღვთა სისტემის პათოლოგიებით. მსოფლიო ჯანდაცვის ორგანიზაციის მიერ მოწოდებული მონაცემებით, მაღალი გართულება კლინიკური გამოვლინენების, სუნთქვის მწვავე უკმარისობის, არის არტერიული ჰიპერტენზია და გულის მწვავე უკმარისობა“,- განაცხადა რატიანმა