ირაკლი ჩიქოვანი - ეკონომიკის და სოფლის მეურნეობის სამინისტროებს დავალებული აქვთ მარნეულში და ბოლნისში იმ საწარმოთა ჩამონათვალის გაკეთება, რომლებიც განაგრძობენ მუშაობას

ეკონომიკის სამინისტროს და სოფლის მეურნეობის სამინისტროს დავალებული აქვთ მარნეულის და ბოლნისის მუნიციპალიტეტის ტერიტორიაზე იმ საწარმოთა ჩამონათვალის გაკეთება, რომლებიც განაგრძობენ მუშაობას, - ამის შესახებ პრემიერ-მინისტრის პრესსპიკერმა ირაკლი ჩიქოვანმა საკოორდინაციო საბჭოს სხდომის დასრულების შემდეგ გამართულ ბრიფინგზე განაცხადა. მისი თქმით, ეკონომიკურ აქტივობაში ჩართული ობიექტების მუშაობა გაგრძელდება მკაცრად გაწერილი პროტოკოლით. მისივე ინფორმაციით, აღნიშნულ მუნიციპალიტეტებში სპეციალური ზომების უზრუნველყოფის კოორდინაცია დაევალა საქართველოს პრემიერ-მინისტრის მრჩეველს სოზარ სუბარს.

„ეკონომიკის სამინისტროს და სოფლის მეურნეობის სამინისტროს დავალებული აქვთ მარნეულის და ბოლნისის მუნიციპალიტეტის ტერიტორიაზე იმ საწარმოთა ჩამონათვალის გაკეთება, რომლებიც განაგრძობენ მუშაობას, თუმცა ეს მუშაობა გაგრძელდება მხოლოდ მკაცრად გაწერილი პროტოკოლით და მკაცრად იქნება დაცული ყველა რეგულაცია, რომელიც საჭიროა ეკონომიკურ აქტივობაში ჩართული ობიექტების ფუნქციონირებისთვის.

მთავრობის ადმინისტრაციაში ამ სპეციალური ზომების უზრუნველყოფის კოორდინაცია დაევალა საქართველოს პერმიერ-მინისტრის მრჩეველს სოზარ სუბარს. ის ყოველწუთიერ კონტაქტშია ადგილობრივ ხელისუფლებასთან და ჩვენ სრულად ვფლობთ ინფორმაციას და ისინიც სრულად იღებენ დავალებებს და გადაწყვეტილებებს აქედან,“ - განაცხადა ჩიქოვანმა.

მისი თქმით, მუნიციპალიტეტებში არსებული ვითარების შესახებ ადგილობრივი მოსახლეობის ინფორმირებაზე ჯანდაცვის სამინისტრო და ადგილობრივი მუნიციპალიტეტი მუშაობს.

„ამასთან, ჯანდაცვის სამინისტრო და ადგილობრივი მუნიციპალიტეტი მუშაობს იმისათვის, რომ მოხდეს მუნიციპალიტეტში მცხოვრებლების სრულად ინფორმირება არსებული ვითარების შესახებ. ასევე ისინი შეისწავლიან იქ არსებულ ადგილობრივ ეპიდემიოლოგიურ ვითარებას. ჩვენ გვაქვს სურვილი, რომ მაქსიმალურად მოვახდინოთ ყველა იმ ადამიანის იდენტიფიცირება, რომელსაც შესაძლოა ჰქონდეს რაიმე წუხილები ჯანმრთელობასთან დაკავშირებით. იცით, რომ ადგილზე დამატებითი ჰოსპიტალური შესაძლებლობები შეიქმნა,“ - განაცხადა ჩიქოვანმა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!