ჯანდაცვის მინისტრი - ექიმების შრომამ შედეგი გამოიღო, უკვე 8 გამოჯანმრთელებული პაციენტი გვყავს, 3 პირზე კი ინფორმაციას ველოდებით

ჯანდაცვის მინისტრის, ეკატერინე ტიკარაძის განცხადებით, ამ დროის მონაცემებით, კორონავირუსისგან გამოჯანმრთელებული 8 პაციენტი გვყავს, დამატებით 3 პაციენტის გამოჯანმრთელებაზე კი ინფორმაციას ელოდებიან.

როგორც ტიკარაძემ მთავრობის ადმინისტრაციაში გამართულ ბრიფინგზე ისაუბრა, გაწერილ პაციენტებზე ექიმები მეთვალყურეობას გააგრძელებენ.

“დღეს ჩვენი ექიმების შრომამ გამოიღო შედეგი და ეს ძალიან სასიხარულო ამბავია როგორც ჩვენთვის, ასევე მოქალაქეებისთვის. 8 პაციენტი უკვე გამოჯანმრთელებულია, რომელიც დღეს გაეწერა სახლში, მაგრამ მიუხედავად ამისა, ისინი, რა თქმა უნდა, როგორც მსოფლიო ჯანდაცვის ორგანიზაციის რეკომენდაციაშია მითითებული, კიდევ იქნებიან ექიმების დაკვირვების ქვეშ, უკვე თვითიზოლაციაში. დღეს, დღის ბოლოს ველოდებით დამატებით 3 პაციენტზე ინფორმაციას და ძალიან დიდი იმედი გვაქვს, რომ ამ პაციენტებს, როგორც ჯანმრთელებს, ხვალ სახლში გავწერთ. დღეის მდგომაროებით სტაციონარში მეთვალყურეობის ქვეშ იმყოფება 235 ადამიანი, მათი მდგომარეობა სტაბილურია, კორონავირუსი დადასტურებული არ აქვთ, მაგრამ გარკვეული სიმპტომებიდან გამომდინარე, მათზე მიმდინარეობს ექიმების დაკვირვება. ასევე ჩვენ გვყავს კარანტინში განთავსებული 3500-მდე მოქალაქე, მათაც არ აქვთ ამ ეტაპზე არანაირი სიმპტომი და მათზეც მიმდინარეობს ეპიდემიოლოგების დაკვირვება”, - განაცხადა ტიკარაძემ.

რაც შეეხება მარნეულში მიმდინარე მოვლენებს, მინისტრის განცხადებით, იქ უკვე გაემგზავრნენ ჯგუფები და დღის ბოლოს ელოდებიან გარკვეულ შედეგებს.

“რაც შეეხება მარნეულს, აქ გამოვლენილია ინფიცირებული პაციენტის 100-ზე მეტი კონტაქტი, გასულები არიან ჯგუფები, საველე სამუშაოებს ატარებენ და მიმდინარეობს ყველა ადამიანის ჯანმრთელობის მდგომარეობის დადგენა. დღის ბოლოს ველოდებით გარკვეულ შედეგებს, რომელსაც აუცილებლად გავაცნობთ მოქალაქეებს”, - აღნიშნა ტიკარაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა