დავით ზალკალიანის ინფორმაციით, საელჩოები საზღვარგარეთ მყოფ საქართველოს მოქალაქეებს მაქსიმალურად ეხმარებიან, მათ შორის პროდუქტების მომარაგებისა და თავშესაფრის პრობლემის მოგვარებაში

ჩვენი საელჩოები მთლიანად ფოკუსირებული არიან საქართველოს მოქალაქეების მომსახურებაზე, - ამის შესახებ საგარეო საქმეთა მინისტრმა დავით ზალკალიანმა საკოორდინაციო საბჭოს სხდომის დასრულების შემდეგ განაცხადა.

მისივე ინფორმაციით, საქართველოს საელჩოები საზღვარგარეთ მყოფ საქართველოს მოქალაქეებს მაქსიმალურად ეხმარებიან, მათ შორის პროდუქტების მომარაგების და თავშესაფრის პრობლემის მოგვარებაში.

„დიპლომატების რაოდენობის და ფინანსური რესურსების თვალსაზრისით ჩვენც შეზღუდული ვართ, მაგრამ ამის მიუხედავად, 24 საათიან რეჟიმში გადასული ჩვენი თანამშრომლები მთლიანად ფოკუსირებული არიან საქართველოს მოქალაქეების მომსახურებაზე. სხვა საქმიანობა ამ ეტაპზე არ მიმდინარეობს. ჩვენ მაქსიმალურად ვეხმარებით იქ დარჩენილ ჩვენს თანამოქალაქეებს თუნდაც პროდუქტის მომარაგებით. ასევე, ჩვენი საელჩოების რესურსების და შესაძლებლობებიდან გამომდინარე, მაქსიმალურად ვეხმარებით მათაც, თუ ვინმეს შეექმნა თავშესაფრის პრობლემა. ჩვენი დიპლომატებიც საგანგებო რეჟიმზე არიან გადასულები. არ გვინდა, რომ საელჩოს მთლიანი პარალიზება მოხდეს, ამიტომ ისინი ენაცვლებიან ერთმანეთს და 2-3 კაციანი მორიგეობაა დაწესებული. გარდა ამისა, საზოგადოებისთვის ცნობილია, რომ ჩვენ დავიწყეთ ჩვენი მოქალაქეების ყოველდღიური კონსულტაცია თბილისიდან,“ - განაცხადა ზალკალიანმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა