„m2 დეველოპმენტი“ COVID19-ის წინააღმდეგ საბრძოლველად 100 000 ლარს გამოყოფს
„m2 დეველოპმენტი“ COVID19-ის წინააღმდეგ საბრძოლველად 100 000 ლარს გამოყოფს. ამის შესახებ „ინტერპრესნიუსს“ „m2 დეველოპმენტიდან“ აცნობეს.
„დღეს, ჩვენი ქვეყნისა და მთელი მსოფლიოსთვის ურთულეს პერიოდში, ყველას გვმართებს მაღალი მოქალაქეობრივი პასუხისმგებლობის გამოჩენა, რათა გავუფრთხილდეთ საკუთარ თავს და ამით გავუფრთხილდეთ ერთმანეთს.
კორონავირუსის წინააღმდეგ ბრძოლა უკვე აღარ არის მხოლოდ ექიმების საქმე. ისინი წინა ხაზზე იბრძვიან, მათთვის ზურგის გამაგრება კი თითოეული ჩვენგანის ვალდებულებაა. სწორედ ამ მიზნით, ვირუსის წინააღმდეგ საბრძოლველად, „m2 დეველოპმენტი“ 100 000 ლარს გამოყოფს, რაც ჩვენი მოქალაქეების ჯანმრთელობის შენარჩუნებასა და სიცოცხლის გადარჩენას მოხმარდება“, - განაცხადა „m2 დეველოპმენტის“ გენერალურმა დირექტორმა ნიკოლოზ მეძმარიაშვილმა.
