ბოლნისის მაჟორიტარი დეპუტატი - ვითარება სრულიად კონტროლირებადია და პანიკის ნიშნები არ არის

პარლმენტის ბოლნისის მაჟორიტარმა დეპუტატის გოგი მეშველიანის განცხადებით, ბოლნისში ვითარება სრულიად კონტროლირებადია და არანაირი პანიკის ნიშნები არ შეინიშნება.

როგორც პარლამენტის პრესსამსახურის მიერ გავრცელებულ ინფორმაციაშია აღნიშნულია, გოგი მეშველიანი ამჟამად საკარანტინო ზონაში იმყოფება, სადაც ვითარებას აკონტროლებს შინაგან საქმეთა სამინისტრო, პროცესში ჩართულია თავდაცვის სამინისტროს შესაბამისი ძალები, რომლებიც პიკეტების დაცვას უზრუნველყოფენ.

„მობილიზებულია ჯანდაცვის სამსახურები, თვითმმართველობა, შექმნილია სპეციალური ჯგუფები, რომლებიც უახლოეს პერიოდში დაიწყებენ უშუალოდ რისკის ზონებში თითოეული მოქალაქის შემოწმებას სპეციალური თერმოსკანერით და თითოეული საეჭვო შემთხვევისას, როგორც კი სამედიცინო პერსონალს გაუჩნდება ვარაუდი, რომ პიროვნება შეიძლება დაავადებული იყოს ახალი კორონავირუსით, თითოეული ადამიანი გადაყვანილი იქნება საკარანტინო ზონებში, სადაც მათ ჩაუტარდებათ სწრაფი ტესტი, ხოლო, თუ სწრაფმა ტესტმა გამოავლინა ვირუსის შემთხვევა, ოპერატიულად იქნებიან მოთავსებული სპეციალურ ზონაში, სადაც დაიწყება მათი მკურნალობა“,- განაცხადა მეშველიანმა.

გოგი მეშველიანის თქმით, სხვა საკითხებთან დაკავშირებით შექმნილია ოპერატიული შტაბი.

„ყველა ოპერატიული მესიჯი თავს იყრის ამ შტაბში გვაქვს ინტენსიური კომუნიკაცია და შეიძლება ითქვას, რომ ნებისმიერი საკითხი, მათ შორის მძიმე ავადმყოფების გამოყვანა, სხვადასხვა სურსათის მიწოდება თუ სხვა, ხდება ოპერატიულ რეჟიმში. სურსათის უზრუნველყოფას აგვარებს სოფლის მეურნეობის სამინისტრო“, -განაცხადა დეპუტატმა.

რაც შეეხება ადგილობრივი მოსახლეობის განწყობას, დეპუტატის თქმით, ადგილობრივი მოსახლეობა შეშფოთებულია, თუმცა, პანიკის ნიშნები არ არის.

„ადგილობრივი მოსახლეობა შეშფოთებულია, თუმცა ხედავენ რა ხელისუფლების ოპერატიულ მუშაობას, სამედიცინო პერსონალის კვალიფიკაციას, იმედიანად არიან მთლიანობაში განწყობილები. არანაირი პანიკის ნიშნები არ არის. ბუნებრივია, შეშფოთება არის, რადგან ახალი სახეობის დაავადებაა, რომელის შესახებაც ბევრი ინფორმაცია არ არსებობს, მაგრამ მთლიანობაში შეიძლება ითქვას, რომ ვითარება სრულიად კონტროლირებადია“,-განაცხადა მეშველიანმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა