ბრაზილიის ფეხბურთის სტადიონების საველე საავადმყოფოებად გადაკეთება იგეგმება. საველე საავადმყოფოს მოწყობა განიხილება მარაკანას სტადიონზეც. ინფორმაციას ამის შესახებ რიო დე ჟანეიროს ჯანდაცვის ოფიციალური პირები ადასტურებენ.

რაც შეეხება სან პაულოს, რომელიც ბრაზილიის ყველაზე დიდი ქალაქია, ხელისუფლების თქმით, პაკაემბუს მუნიციპალურ სტადიონზე 200 საწოლის განთავსება იგეგმება.

ცნობისთვის, ამ დროისთვის ბრაზილიაში კორონავირუსის 1546 შემთხვევაა აღრიცხული. ქვეყანაში ეპიდემიის პიკს აპრილი-ივნისის თვეებში ვარაუდობენ.