თამარ ტალიაშვილი საბავშვო ბაგა-ბაღებში საკვები პროდუქტების გაცემას ადგილზე გაეცნო

თბილისის საკრებულოს განათლებისა და კულტურის კომისიის თავმჯდომარე თამარ ტალიაშვილი თბილისის N 22 საბავშვო ბაგა-ბაღში აღსაზრდელთა მშობლებისათვის პროდუქტის გაცემას ადგილზე გაეცნო. ამის შესახებ „ინტერპრესნიუსს“ დედაქალაქის საკრებულოდან აცნობეს.

,,ახლა ვიმყოფები #22 საბავშვო ბაღში, ბაღის პერსონალი არის ძალიან მოტივირებული, ენთუზიაზმით ეკიდებიან მათზე დაკისრებულ მნიშვნელოვან მოვალეობას. მეამაყება ამ საგანგებო ვითარებაში ყველა ის თანამშრომელი, რომლებიც თავის საქმეს ღირსეულად ემსახურება. მახარებს, აღსაზრდელთა მშობლების დიდი კმაყოფილება თბილისის მერის ინიციატივასთან დაკავშირებით”- აცხადებს ტალიაშვილი.

მისივე თქმით, თბილისის საბავშო ბაგა-ბაღებში უკანასკნელ წლებში გატარებული რეფორმა სოციალურად შეჭირვებულ ოჯახებში ბავშვთა კვებითი დეფიციტის აღმოფხვრასა და მათი რაციონის მრავალფეროვანი, მაღალი საკვები ღირებულების მქონე პროდუქტებით უზრუნველყოფას ისახავს მიზნად.

,,სწორედ ამიტომ შეჩერებული სასწავლო პროცესის პირობებში მეტად მნიშვნელოვანია კახა კალაძის ინიციატივა, ჩვენმა აღსაზრდელმა მიიღოს საჭირო რაციონი”, - განაცხადა თამარ ტალიაშვილმა.

დეპუტატი 22-ე ბაღის პერსონალს შეხვდა, დირექტორისგან ნინო გვრიტიშვილისა და მისი მოადგილისგან ხათუნა აბაშიძისგან სამუშაო პროცესის მიმდინარეობაზე ინფორმაცია მოისმინა და მშობლებს გაესაუბრა.

თბილისის საბავშვო ბაგა-ბაღებში საკვები პროდუქტების გაცემის პროცესი დაავადებათა კონტროლის ცენტრის რეკომენდაციებისა და ინსტრუქციების შესაბამისად მიმდინარეობს, ბაღების თანამშრომლებმა ბაგა-ბაღების მართვის სააგენტოსგან მიიღეს დეტალური ინსტრუქცია პროდუქტის უსაფრთხოდ გაცემასთან დაკავშირებით. ასევე, ბაგა-ბაღების ადმინისტრაციამ წინასწარ შეიმუშავა განრიგი და დაუკავშირდა თითოეულ ოჯახს, რიგების თავიდან აცილების მიზნით. აღსაზრდელებზე საკვები პროდუქტის გაცემა მოხდება ორ კვირაში ერთხელ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა