ჩრდილოატლანტიკური ალიანსი ოკუპირებულ აფხაზეთში გუშინ გამართულ ე.წ. საპრეზიდენტო არჩევნებს არ აღიარებს. ამის შესახებ კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა, ჯეიმს აპატურაიმ სოციალურ ქსელ „ფეისბუქში“ დაწერა.

„ალიანსი მხარს უჭერს საქართველოს ტერიტორიულ მთლიანობასა და სუვერენიტეტს მის საერთაშორისოდ აღიარებულ საზღვრების ფარგლებში“,-წერს აპატურაი.

შეგახსენებთ, გუშინ ოკუპირებულ აფხაზეთში ე.წ. საპრეზიდენტო არჩევნები გაიმართა, სადაც ოპოზიციის ლიდერმა, ასლან ბჟანიამ გაიმარჯვა.