კორონავირუსით ინფიცირებული ორი პაციენტის პირველადი ტესტის შედეგები უარყოფითია. ამის შესახებ ინფექციური საავადმყოფოს ბოქსირებული განყოფილების ხელძღვანელმა, მარინე ენდელაძემ განაცხადა.

მისი ინფორმაციით, გაგზავნილია კიდევ სამი პაციენტის პირველადი ანალიზი.

„დაგეგმილია განმეორებითი ტესტირება, დღეს გაგზავნილია სამი. ველოდებით პასუხებს, ასევე ორზე, პირველადი კვლევით მივიღეთ უარყოფითი. ხვალ გავაგზავნით, ანუ შესაძლოა, ზეგისთვის 5 ახალი გამოჯანმრთელებული დაგვემატოს“,- განაცხადა ენდელაძემ.

ცნობისთვის, საქართველოში კორონავირუსით ინფიცირებული სულ 8 პაციენტია გამოჯანმრთელებული. დაინფიცირების დადასტურებული შემთხვევების რაოდენობა კი 61-მდე გაიზარდა.