აშშ-ის პრეზიდენტის, დონალდ ტრამპის განცხადებით, კორონავირუსის გავრცელება აზიური წარმოშობის ამერიკელების ბრალი არ არის.

„უმნიშვნელოვანესია, რომ ჩვენ სრულად დავიცვათ ჩვენი აზიელი ამერიკელების საზოგადოება. ის არაჩვეულებრივი ხალხია და ვირუსის გავრცელება მათი ბრალი არ არის. ისინი ჩვენთან მუშაობენ, რომ მისი გავრცელება თავიდან ავიცილოთ“, - აღნიშნა ტრამპმა.

ცნობისთვის, აშშ-ის პრეზიდენტმა, დონალდ ტრამპმა კორონავირუსი „ჩინურ ვირუსად“ რამდენჯერმე მოიხსენია. საზოგადოების კრიტიკაზე ამერიკის ლიდერმა განაცხადა:

„ის ჩინეთიდან მოდის. ეს რასისტული არ არის. ჩინეთიდან მოდის და ამიტომ ვამბობ“.