საქართველოს საგარეო საქმეთა მინისტრი დავით ზალკანიანი იტალიელ ხალხს მხარდაჭერასა და თანაგრძნობას უცხადებს.

როგორც სოციალურ ქსელში დავით ზალკანიანი წერს, შექმნილი კრიზისიდან ერთადერთი გამოსავალი მხარდაჭერა და თანაგრძნობაა. ზალკანიანი კორონავირუსთან ბრძოლაში იტალიის მხარდასაჭერად, თბილისის ანძისა და დედაქალაქის საკრებულოს შენობის იტალიის დროშის ფერებში განათებასაც გამოეხმაურა.

„პანდემიამ გამოავლინა როგორი მოწყვლადნი ვართ და რომ კრიზისიდან გამოსვლის ერთადერთი გზა თანაგრძნობა, მხარდაჭერა და ერთმანეთის მიმართ მოვალეობის გრძნობაა“, - წერს ზალკანიანი „ტვიტერის“ საკუთარ გვერდზე.