საქართველოს ეკონომიკისა და მდგრადი განვითარების სამინისტროს პირველი მოთხოვნისთანავე იურიდიული და ფიზიკური პირები ვალდებულები არიან საქართველოს მოქალქეების საქართველოში ჩამოყვანისა და ტვირთის ჩამოტანის მიზნით განახორციელონ ფრენები, - ამის შესახებ პრემიერ-მინისტრის მრჩეველმა ირაკლი ჩიქოვანმა კორონავირუსთან დაკავშირებით შექმნილი საკოორდინაციო საბჭოს დასრულების შემდეგ ბრიფინგზე განაცხადა.
მისივე თქმით, იურიდული და ფიზიკური პირები ვალდებულები არიან, გამოყონ სასტუმრო ან განთავსების სხვა ფართები ყველა თანმდევი სერვისით.
„საქართველოს ეკონომიკისა და მდგრადი განვითარების სამინისტროს პირველი მოთხოვნისთანავე იურიდიული და ფიზიკური პირები ვალდებულები არიან საქართველოს მოქალქეების საქართველოში ჩამოყვანისა და ტვირთის ჩამოტანის მიზნით განახორციელონ ფრენები, უზრუნველყონ შესაბამისი პირებისა და ტვირთების გადაყვანა გადაზიდვა საკარანტინო ზონებსა და დანიშნულების ადგილებში, გამოყონ სასტუმრო და განთავსების სხვა მსგავსი საშუალებები ყველა თანმდევი სერვისით სავალდებულო კარანტინის ფარგლებში განთავსებისა და სათანადო პირობების შექმნის მიზნით,“- განაცხადა ირაკლი ჩიქოვანმა.
მან ასევე საჯარო სერვისებთან დაკავშირებულ შეზღუდვებზე ისაუბრა.
„საჯარო სერვისებთან დაკავშირებული შეზღუდვები: ჩერდება ან გადაიდება უძრავ ნივთებთან დაკავშირებული აღსრულებები. ჩერდება ან გადაიდება შენობების დემონტაჟი. ჩერდება ადმინისტრაციული საჩივრის წარდგენისა და განხილვის ვადები. დგინდება ნიტარიუსის საქმიანობის განსხვავებული წესები, რომელსაც დაადგენს იუსტიციის სამინისტრო,“- განაცხადა ირაკლი ჩიქოვანმა.