ინფიცირების 67 დადასტურებული შემთხვევიდან ავსტრიის 2 მოქალაქეა, - ამის შესახებ ჯანდაცვის მინისტრმა ეკატერინე ტიკარაძემ საკოორდინაციო საბჭოს სხდომის დასრულების შემდეგ განაცხადა. მისივე ინფორმაციით, ორივე უცხოელი გუშინ ღამე სპეცრეისით დაბრუნდა ავსტრიაში.

„დღეის მდგომარეობით ლუგარის ლაბორატორიას დადასტურებული აქვს 67 შემთხვევა, უბრალოდ გამოვლენილი შემთხვევებიდან ორი იყო ავსტრიის მოქალაქე. გუშინ ღამით მოხდა სპეცრეისის დანიშვნა ავსტრიის სახელმწიფოს მხრიდან და განხორციელდა მათი გადაყვანა. აქედან გამომდინარე, ჩვენთან საქართველოს მოქალაქეებში დაფიქსირებულია ინფიცირების 65 შემთხვევა, რომელთაგან 9 არის გამოჯანმრთელებული. ამ ეტაპზე სტაციონარებში გვყავს covid 19-ით ინფიცირებული 56 პაციენტი, რომლებზეც წარმატებით ზრუნავენ ჩვენი ექიმები,” – განაცხადა ტიკარაძემ.