ჯანდაცვის მინისტრის ეკატერინე ტიკარაძის განცხადებით, სწრაფი ტესტების გამოყენებას კომერციული მიზნით სახელმწიფო ამ ეტაპზე მიზანშეწონილად არ მიიჩნევს.
ამის შესახებ მან საკოორდინაციო საბჭოს სხდომის დასრულების შემდეგ განაცხადა.
„ჩვენ ვყიდულობთ საკმაოდ დიდი რაოდენობის ტესტებს, რომლებიც ეტაპობრივად, 4 ეტაპად შემოვა საქართველოში.ეს არის სახელმწიფო შესყიდვები. ჩვენ არ მიგვაჩნია, რომ ეს ტესტები უნდა იყოს გამოყენებული კომერციული მიზნით. თუმცა, რა თქმა უნდა, გარდა ლუგარის ლაბორატორიისა, დღესდღეობით ჩართულია სხვადასხვა ლაბორატორია იქიდან გამომდინარე, რომ გეოგრაფიული სეგმენტი გავშალოთ. მაგრამ ამ ეტაპზე მისი კომერციალიზაცია არ მიგვაჩნია მიზანშეწონილად," - განაცხადა ტიკარაძემ.