ფონდში, რომელშიც კორონავირუსთან ბრძოლისთვის თანხას კომპანიები და მოქალაქეები რიცხავენ, დღეისთვის 5 მილიონ ლარამდეა აკუმულირებული

ბიზნესომბუდსმენ მიხეილ დაუშვილის ინფორმაციით, #StopCoV ფონდში, რომელშიც კორონავირუსთან ბრძოლისთვის თანხას კომპანიები და მოქალაქეები რიცხავენ, დღეისათვის დაახლოებით 5 მილიონი ლარია აკუმულირებული და აქტივობა საკმაოდ მაღალია.

მისივე განცხადებით, ბოლო პერიოდის განმავლობაში არაერთმა მოქალაქემ და ათეულობით კომპანიამ გამოხატა სურვილი სხვადასხვა მიმართულებით დახმარებოდნენ სახელმწიფოს კორონავირუსთან ბრძოლის პროცესში.

„კიდევ ერთხელ გვინდა ვთქვათ, რომ ბიზნესის სოციალური პასუხისმგებლობა, ბიზნესის, საზოგადოების და სახელმწიფოს კონსოლიდაცია ასეთი გამოწვევის პირობებში ძალიან მნიშვნელოვანი და სასარგებლოა. დარწუნებული ვართ, ამ ერთიანობით აუცილებლად გავუმკლავდებით covid 19-ს“, - აღნიშნა დაუშვილმა.

მისივე განმარტებით, ფონდში მობილიზებული თანხების ხარჯვის პროცესი გამჭვირვალე იქნება.

ცნობისთვის, კერძო სექტორის ინიციატივის ეფექტიანად განხორციელების მიზნით, პრემიერ-მინისტრის დავალებით ბიზნესომბუდსმენის აპარატში სპეციალური პლატფორმა - StopCoV ფონდი შეიქმნა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა