კერძო ლაბორატორიამ კორონავირუსით ინფიცირების ერთი თუ ორი შემთხვევა გამოავლინა, - ამის შესახებ დაავადებათა კონტროლის ეროვნული ცენტრის დირექტორის მოადგილე პაატა იმნაძემ განაცხადა. მისი ინფორმაციით, ამ კერძო ლაბორატორიის ფუნქციონირებას დაავადებათა კონტროლის ეროვნული ცენტრი უწყობს ხელს, რადგან მათ მიერ ტესტირება მიღებული სტანდარტის დაცვით ხორციელდება.

„აქ საუბარია იმ ლაბორატორიაზე, რომელსაც ჩვენ დიდი ხანია ხელს ვუწყობთ, რომ იფუნქციონიროს. ისინი აკეთებენ იგივე მოლეკულურ ტესტირებას, რაც მიღებულია „ოქროს სტანდარტად“. მათ მიერ აღმოჩენილი იყო კორონავირუსით ინფიცირების 1 თუ 2 შემთხვევა, თუმცა ეს შემთხვევები გადამოწმებულ იქნა ჩვენთან, ლუგარის ლაბორატორიაში,“ - განაცხადა იმნაძემ.