ბულგარეთსა და პოლონეთში საქართველოს საელჩოების ძალისხმევით, საქართველოს მოქალაქეები დროებითი საცხოვრებლით უზრუნველყვეს

კორონავირუსის გავრცელების გამო გადაადგილებაზე დაწესებული შეზღუდვების შედეგად საქართველოში გამომგზავრების შესაძლებლობას დროებით მოკლებული საქართველოს მოქალაქეები ბულგარეთსა და პოლონეთში საქართველოს საელჩოების ძალისხმევით, საცხოვრებლით უზრუნველყვეს.

როგორც „ინტერპრესნიუსს" საგარეო საქმეთა სამინისტროდან აცნობეს, მოქალაქეებმა დახმარების თხოვნით საგარეო საქმეთა სამინისტროსა და საელჩოების ცხელ ხაზს მიმართეს.

ბულგარეთში საქართველოს საელჩოსა და ადგილობრივი ხელისუფლების თანამშრომლობის შედეგად, ბურგასის მერმა უზრუნველყო საქართველოს მოქალაქეების საცხოვრებლითა და პირველადი მოხმარების საგნებით დახმარება.

„აღსანიშნავია, რომ საქართველოს 80-მდე მოქალაქე, რომლებიც ბულგარეთიდან საქართველოში დაბრუნებას ვეღარ ახერხებდნენ, საქართველოს საგარეო საქმეთა სამინისტროს აქტიური ჩართულობით, 18 მარტს უკვე სამშობლოში დაბრუნდნენ.

რამდენიმე ათეული მოქალაქე უზრუნველყო საცხოვრებლითა და პირველადი მოხმარების საგნებით პოლონეთში საქართველოს საელჩომ. აღსანიშნავია, რომ საქართველოს მოქალაქეებისთვის განკუთვნილი ადგილსამყოფელის ხარჯებს საქართველოს საელჩო საკუთარი სახსრებით ანაზღაურებს.

მსოფლიოს მასშტაბით კორონავირუსის გავრცელებასთან დაკავშირებით საქართველოს პრემიერ-მინისტრის ხელმძღვანელობით მოქმედი საკოორდინაციო საბჭოს მითითებით, მუშაობის 24 საათიან რეჟიმზე არიან გადასული საქართველოს მისიები საზღვარგარეთ, რათა ოპერატიულ რეჟიმში მოახდინონ უცხოეთში მყოფი საქართველოს მოქალაქეების დახმარება“, - ნათქვამია ინფორმაციაში.

იხილეთ ვიდეო: ბულგარეთსა და პოლონეთში საქართველოს საელჩოების ძალისხმევით, საქართველოს მოქალაქეები დროებითი საცხოვრებლით უზრუნველყვეს

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!