იაპონიის პრემიერ-მინისტრის, შინზო აბეს განცხადებით, მან საერთაშორისო ოლიმპიური კომიტეტის პრეზიდენტ ტომას ბახთან ოლიმპიური თამაშების გადადების შეთანხმებას მიაღწია. მისი თქმით, მხარეები შეთანხმდნენ ოლიმპიური თამაშები „ტოკიო 2020“ ერთი წლით გადაიდოს. ინფორმაციას „ალ ჯაზირა“ ავრცელებს.
ცნობისთვის, ამ დრომდე იაპონიაში ოლიმიური თამაშებისთვის მზადება ჩვეულ რეჟიმში მიმდინარეობდა.
გუშინ, კანადამ საკუთარი გუნდი თამაშებიდან ოფიციალურად გაიწვია. „ტოკიო 2020“, მიმდინარე წლის ივლისში უნდა გახსნილიყო.