კენიის აეროპორტში გერმანიის არმიამ 6 მილიონი დამცავი ნიღაბი დაკარგა. ინფორმაციას CNN-თან არმიის პრესსპიკერი ადასტურებს. მისი თქმით, უცნობია თუ სად დაიკარგა ნიღბები.

“ვცდილობთ გავარკვიოთ რა მოხდა. ეს ძალიან ცუდი ფაქტია“,-აღნიშნა პრესსპიკერმა.

გავრცელებული ინფორმაციით, გერმანიის არმიამ ნიღბები ჯერჯერობით დაუდგენელ კომპანიას შეუკვეთა, რომლის მიწოდებაც კენიის აეროპორტის გავლით უნდა მომხდარიყო. „შპიგელის“ ინფორმაციით, დაუდგენელია, თუ რატომ მოხდა ტრანზიტისთვის აღნიშნული აეროპორტის გამოყენება.