საქართველოს შს მინისტრის ვახტანგ გომელაურის განცხადებით, ამ ეტაპზე არც ერთ პოლიციელს საეჭვო სიმპტომები არ აღენიშნება. მისივე თქმით, სამართალდამცველების ჯანმრთელობის მდგომარეობა მუდმივად მოწმდება.
„ჯანდაცვის სამინისტროდან გვაქვს რეკომენდაციები, სამართალდამცველების აღჭურვასთან დაკავშირებით. უნდა ეკეთოთ ხელთათმანი, პირბადე, ახლო კონტაქტის შემთხვევაში სათვალე და ა.შ. ხორციელდება მათი მუდმივი შემოწმება, ვუზომავთ სიცხეს და თუ რაიმე ნიშნები აქვს, ვუშვებთ ან თვითიზოლაციაში ექიმების ზედამხედველობით, ან ღმერთმა დაგვიფაროს, თუ უფრო მძიმე შემთხვევა იქნება, საავადმყოფოში,“ - განაცხადა გომელაურმა.