თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, მათ კლინიკაში მოთავსებული 80 წლის ქალი, რომელსაც ორმხრივი მწვავე პნევმონია აქვს, მისივე უსაფრთხოების მიზნით რეანიმაციულ განყოფილებაში გადაჰყავთ.

ამასთან, როგორც ლევან რატიანმა ჟურნალისტებთან საუბარში განაცხადა, ლუგარის ლაბორატორიაში გაგზავნილი ტესტებიდან ყველას პაუხი უარყოფითი მოვიდა.

„ამ ეტაპზე კლინიკაში 59 პაციენტია მოთავსებული, აქედან კორონავირუსის დადასტურებული შემთხვევა 12 გვაქვს. ერთი მოთავსებულია კრიტიკული მედიცინის დეპარტამენტში, რომლის მდგომარეობაც მძიმეა, მაგრამ ვიტალური(სასიცოცხლო) პარამეტრები შეარჩუნებულია. დაარჩენი 12-ის მდგომარეობა ჩატარებული კლინიკურ-ლაბორატორიული კვლევებით უარყოფითი დინამიკის გარეშეა, თუ არ ჩავთვლთ 80 წლის ქალბატონს, რომელთანაც ამ ეტაპზე სუნთქვის უკმარისობა გამოიხატა და ინტენსიური განყოფილებიდან რეანიმაციულ განყოფილებაში ადის. რაც შეეხება სხვა პაცენტების მდგმარეობას, ჩატარებული კვლევების შედეგად, რომელიც დღეს ლუგარიდან მივიღეთ, ყველა შემთხვევა მოვიდა უარყოფითი. რაოდენობას მნიშვნელობა არ აქვს“, - განაცხადა რატიანმა.

მისივე განმარტებით, მარნეულიდან გადმოყვანილი 62 წლის ქალის ჯანმრთელობის მდგომარეობა ამ ეტაპისათვის კრიტიკული რჩება, მაგრამ ვიტალური(სასიცოცხლო) პარამეტრების შენარჩუნებას ახერხებენ.

კითხვაზე, ჰქონდა თუ არა 9 დღის ბავშვს დაინფიცირეულ 62 წლის ქალთან კონტაქტი, ლევან რატიანი პასუხობს, რომ ის რეანიმატოლოგია და არა ეპიდემილოგი და ამაზე პასუხი მის კომპეტენციას ცდება.