ავღანეთის დედაქალაქ ქაბულში შეიარაღებულმა თავდამსხმელებმა რელიგიურ კომპლექსზე თავდასხმა განახორციელეს, რაც უსაფრთხოების ძალებთან შეიარაღებულ შეტაკებებში გადაიზარდა.

ქვეყნის შინაგან საქმეთა სამინისტროს ინფორმაციით, ამ დროისთვის ადამიანთა ჯგუფი შენობის შიგნით რჩება და უსაფრთხოების ძალები მათ გამოყვანას ცდილობენ.

„ესოშიეითიდ პრესის“ ცნობით, დაღუპულია სულ მცირე ათი ადამიანი, მათ შორის ერთი ბავშვი.

მედიის ცნობით, რამდენიმე თავდამსხმელი მოკლულია და ამ ეტაპზე ჯერჯერობით უცნობია, კიდევ იმყოფება თუ არა ზოგიერთი მათგანი შენობაში.