„ერთიანი ნაციონალური მოძრაობის“ ლიდერის, გრიგოლ ვაშაძის განცხადებით, მედიკოსების, სამაშველო სამსახურის თანამშრომლების, პოლიციელებისა და სამხედროების გმირული მუშაობის შედეგია ის, რომ საქართველოში ჯერჯერობით ამ სასიკვდილო ეპიდემიის აფეთქებას გადავრჩით.

მისი თქმით, საჭიროა მათ ყველაფერი ჰქონდეთ იმისთვის, რომ თავიანთი მოქალაქეობრივი და სამსახურეობრივი ვალდებულება ისე შეასრულონ, რომ მათი სიცოცხლე და ჯანმრთელობა საფრთხის ქვეშ არ დადგეს.

„არ შეიძლება ბრიფინგი არ დაიწყო მადლიერების გრძნობის გამოხატვით, რაც შეეხება ჩვენ მედიკოსებს, სამაშველო სამსახურის თანამშრომლებს, პოლიციელებს და სამხედროებს. ამ ადამიანების გმირული მუშაობის შედეგი არის ის, რომ საქართველოში ჯერჯერობით ამ სასიკვდილო ეპიდემიის აფეთქებას გადავრჩით, მაგრამ საჭიროა მათ ყველაფერი ჰქონდეთ იმისათვის, რომ თავიანთი მოქალაქეობრივი და სამსახურებრივი ვალდებულება შეასრულონ და მათი სიცოცხლე და ჯანმრთელობა საფრთხის ქვეშ არ დადგეს. კადრებშიც კი ჩანს, როგორ მუშაობენ ჩვენი პოლიციელები და სამხედროები სპეციალური აღჭურვილობის გარეშე და ამას გაფრთხილება უნდა იმიტომ, რომ ამ ადამიანების ჯანმრთელობა ჩვენი უსაფრთხოების გარანტიაა“, - განაცხადა გრიგოლ ვაშაძემ.