მარიამ ქვრივიშვილი - საკარანტინო ზონებიდან მოქალაქეები საკუთარ სახლებს სრულიად ჯანმრთელები დაუბრუნდნენ

თბილისის ერთ-ერთ სასტუმროში ტურიზმის ეროვნული ადმინისტრაციის მიერ შექმნილი საკარანტინო სივრცე 38 ადამიანმა დატოვა. ამის შესახებ “ინტერპრესნიუსს” ტურიზმის დეპარტამენტიდან აცნობეს.

უწყების ცნობით, საკარანტინო ზონაში მოქალაქეები იტალიიდან დაბრუნების შემდეგ გადაიყვანეს. მოქალაქეები ორი კვირის განმავლობაში ექიმთა მეთვალყურეობის ქვეშ იმყოფებოდნენ და სრულიად ჯანმრთელები დაუბრუნდენ ოჯახებს. 18 ადამიანი საქართველოს სხვადასხვა რეგიონში თბილისის მერიის მიერ სპეციალურად გამოყოფილი 4 მიკროავტობუსით გაემგზავრა.

„10 მარტს იტალიიდან საქართველოში შესრულდა რეისი, რომელზეც მყოფ თითოეულ მგზავრს 14 დღიანი სავალდებულო კარანტინი შეეხო. ჩვენ მოხარულები ვართ, რომ გუშინ წყალტუბოდან და დღეს თბილისიდან თითოეული მათგანი ჯანმრთელები დაუბრუნდნენ ოჯახებს. საქართველოს პრემიერ-მინისტრის გადაწყვეტილებით ტურიზმის ეროვნულ ადმინისტრაციას დაევალა საკარანტინო ზონების მოძიება, მართვა და ოპერირება. დღევანელი მონაცემებით ტურიზმის ეროვნული ადმინისტრაციის პარტნიორია 63 სასტუმრო. საკარანტინო ზონებში კი 4147 მოქალაქეა განთავსებული.“-აცხადებს ტურიზმის ეროვნული ადმინისტრაციის ხელმძღვანელი მარიამ ქვრივიშვილი.

უწყების ინფორმაციით, ტურიზმის ეროვნული ადმინისტრაცია მთელი საქართველოს მასშტაბით აწარმოებს მოლაპარაკებებს სხვადასხვა სასტუმროებთან ახალი საკარანტინო ზონების შესაქმნელად. ტურიზმის ეროვნული ადმინისტრაცია უზრუნველყოფს კარანტინში მყოფი პირების ტრანსპორტირებას, განთავსებას და სამჯერად კვებას. ადმინისტრაცია ახდენს საკარანტინო ზონების მართვა და ოპერირება.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
“მეამა ქოლექთის” ყავის უნიკალური კოქტეილები ბათუმშია