რესპუბლიკური საავადმყოფოს გენდირექტორის განცხადებით, კლინიკაში მარნეულიდან გადაყვანილი ასაკოვანი მამაკაცის ჯანმრთელობის მდგომარეობა გაუმჯობესებულია

მარნეულიდან თბილისის რესპუბლიკურ საავადმყოფოში გადაყვანილი ასაკოვანი მამაკაცის ჯანმრთელობის მდგომარეობა გაუმჯობესებულია. ამის შესახებ რესპუბლიკური საავადმყოფოს გენერალურმა დირექტორმა ლევან გოფოძემ ჟურნალისტებს განუცხადა.

„ეს პაციენტი მარნეულიდან იქნა გადმოყვანილი ჩვენს კლინიკაში, უმძიმესი პათოლოგიებით და დაიგნოზით. პაციენტი მაშინვე გადაყვანილი იქნა მართვით სუნთქვაზე. მისი მდგომარეობა ყოველდღიურად უმჯობესდება. ამჟამად, ბევრად უკეთესად არის, ვიდრე შემოყვანის პერიოდში იყო . ბევრი კომპონენტი, ვთქვათ, სუნთქვის კომპონენტიდან დაწყებული სეპტიური შოკიდან გამოსვლა და ა.შ. გაუმჯობესდა. ჩვენ ვფიქრობთ, რომ თუ ასეთ პროგრესულად განვითარდა მოვლენები, შესაძლოა პაციენტს მალე მართვითი სუნთქვაც აღარ დასჭირდეს და მკურნალობა გაგრძელდება ჩვეულ რეჟიმში“, - განაცხადა ლევან გოფოძემ ასაკოვან მამაკაცზე საუბრისას, რომელიც მარნეულის კლინიკაში რამდენიმე დღის წინ შეიყვანეს.

მისივე ინფორმაციით, თბილისის რესპუბლიკურ კლინიკაში მოთავსებული პაციენტების ნაწილის შესახებ ელოდებიან ტესტების პასუხებს, აქვთ თუ არა ამ ადამიანებს ახალი კორონავირუსი. ლევან გოფოძის განმარტებით, მათ კლინიკაში ამ დროისთვის 46 პაციენტია მოთავსებული

„დღეს ბევრ პასუხს ველით, იმიტომ, რომ დასატესტი ადამიანების საკმაოდ ბევრი რაოდენობა გადავეცით. გუშინაც ჩვენთან ბევრი ადამიანი გაიტესტა და ამ გატესტილებს შორის, რომელთა რაოდენობა დაახლოებით 16 იყო, ინფიცირებული ერთი აღმოჩნდა. დანარჩენი ყველა ნეგატიური იყო. კიდევ ერთხელ ვიმეორებ, ჩვენი ვალია მოვითხოვოთ ამ პაციენტების ტესტირება. ჩვენების მიხედვით, თუ ვის გატესტავენ, ამას წყვეტს ეპიდემიოლოგიური სამსახური და ლუგარის ლაბორატორია“, - განაცხადა ლევან გოფოძემ.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა