საქართველოს ჯანდაცვის მინისტრის ეკატერინე ტიკარაძის განცხადებით, ამ დროისთვის მარნეულსა და ბოლნისში სქრინინგი 35 000-მა მოქალაქემ გაიარა და მათგან ჩივილები 25-მდე პაციენტს დაუდგინდა.
მინისტრის ინფორმაციით, ამ ეტაპზე მარნეულსა და ბოლნისში მყოფი მოქალაქეების მდგომაროება არის სტაბილური, ისინი არ საჭიროებენ დამატებით ჩარევებს და სხვა კლინიკებში გადაყვანას.
„ჩვენი ჯგუფები მუშაობენ ინტენსიურად, ადგილზე დასქრინულია 35 000 მოქალაქე ეს არის 8000- მდე ოჯახი მათგან გამოვლინდა გარკვეული ჯგუფები, რომლებიც ადგილზე იმყოფებიან და მიმდინარეობს მათზე დაკვირვება. 25-მდე ადამიანს ამ ეტაპზე დაუდგინდა გარკვეული ჩივილები და ამ ჩივილების შესაბამისად მათ ჩაუტარდებათ ტესტირება. ამ ეტაპზე მარნეულსა და ბოლნისში მყოფი მოქალაქეების მდგომაროება არის სტაბილური. ისინი არ საჭიროებენ დამატებით ჩარევებს და გადაყვანას სხვა კლინიკებში. საჭიროების შემთხვევაში ჩვენ, რა თქმა უნდა, ჩავრთავთ შესაბამის სამსახურებს რათა პაციენტების ჯანმრთელობას საფრთხე არ შეექმნას“, - განაცხადა ეკატერინე ტიკარაძემ.