დავით ზალკალიანი - ევროკავშირის გადაწყვეტილება  იმედით აღავსებს თითოეულ იმ ქვეყანას, რომელიც ამ ორგანიზაციაში გაწევრიანებას ესწრაფვის

საგარეო საქმეთა მინისტრი დავით ზალკალიანი ალბანეთთან და ჩრდილოეთ მაკედონიასთან გაწევრიანების შესახებ ოფიციალური მოლაპარაკების დაწყებას გამოეხმაურა.

„ვულოცავ ალბანეთსა და ჩრდილოეთ მაკედონიას ამ დიდი ხნის ნანატრი გადაწყვეტილების მიღებას. ეს მართლაც ისტორიული მომენტია რეგიონისთვის და ის შედეგი, რომელიც იმედით აღავსებს ყველა ჩვენგანს, ვინც დემოკრატიულ სახელმწიფოთა გაფართოებულ კავშირში გაწევრიანებას ესწრაფვის“, - წერს დავით ზალკალიანი „ტვიტერის“ გვერდზე.

ევროკავშირის საბჭომ, რომელიც ევროკავშირის გადაწყვეტილებების მიმღებ მთავარ ინსტიტუტს წარმოადგენს, ალბანეთისა და ჩრდილოეთ მაკედონიის გაწევრიანებაზე მოლაპარაკებების დაწყებას მხარი დაუჭირა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია