ჩვენ ამ ვირუსის გამო ვცხოვრობთ საომარ სიტუაციაში და მას საომარი ეკონომიკით უნდა გავუმკლავდეთ , - ამის შესახებ გაეროს გენერალურმა მდივანმა ანტონიო გუტიერეშმა „ევრონიუსთან“ ინტერვიუში განაცხადა.
მან მსოფლიოს კორონავირუსის კრიზისის წინააღმდეგ მკაფიო და კოორდინირებული მოქმედებისკენ მოუწოდა.
„ქვეყნები შენელებულად რეაგირებენ კორონავირუსის კრიზისზე, მაგრამ ახლა დადანაშაულების დრო არ არის. თუკი ჩვენ არ მოვაგვარებთ COVID-19-ის კრიზისს, მილიონობით ადამიანი შეიძლება დაინფიცირდეს და მოკვდეს. კრიზისი გაცილებით უფრო სერიოზული იქნება, თუკი ჩვენ არ გვექნება სტრატეგია ან კოორდინაცია“, - განაცხადა ანტონიო გუტიერეშმა.
ის განვითარებულ სამყაროს მოუწოდებს დაუყოვნებლივ შეაგროვონ ტრილიონები, რათა ღარიბ ქვეყნებს პანდემიის წინააღმდეგ ბრძოლაში დაეხმარონ.