ვლადიმერ პუტინმა საკონსტიტუციო ცვლილებებთან დაკავშირებით 22 აპრილს დაგეგმილი რეფერენდუმი გააუქმა

რუსეთის პრეზიდენტის, ვლადიმერ პუტინის გადაწყვეტილებით, საკონსტიტუციო ცვლილებების შესახებ რუსეთში 22 აპრილს დაგეგმილი რეფერენდუმი კორონავირუსის ეპიდემიის გამო გადაიდო. ამის შესახებ პრეზიდენტმა საგანგებო ტელემიმართვისას განაცხადა.

როგორც რუსული მედია იტყობინება, ხმის მიცემის ახალ თარიღს სპეციალისტები განსაზღვრავენ, რომლებიც სიტუაციას შეაფასებენ და გადაწყვეტენ, თუ როდის იქნება რეფერენდუმის გამართვა უსაფრთხო.

პრეზიდენტმა აღნიშნა, რომ ყველამ იცის „თუ რამდენად სერიოზული დამოკიდებულება აქვს მას ამომრჩევლების აზრის მიმართ კონსტიტუციაში შესატან ცვლილებებთან დაკავშირებით, თუმცა აბსოლუტურ პრიორიტეტს მისთვის ხალხის სიცოცხლე და უსაფრთხოება წარმოადგენს, სწორედ ამიტომაც მან რეფერენდუმის გადატანა გადაწყვიტა“. პუტინმა მოსახლეობას სახლში დარჩენისკენ მოუწოდა. ამასთან, კორონავირუსის ინფექციის გავრცელების გამო, პრეზიდენტმა 30 მარტიდან 5 აპრილამდე პერიოდი რუსეთში არასამუშაო კვირად გამოაცხადა.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს