საქართველოს წითელი ჯვრის საზოგადოებისა და თბილისის მერიის თამშრომლობის ფარგლებში მარტოხელა ხანდაზმულების საკვები პროდუქტითა და პირველადი საჭიროების ნივთებით უზრუნველყოფის კამპანია გრძელდება. ამის შესახებ „ინტერპრესნიუსს“ საქართველოს წითელი ჯვრის საზოგადოებიდან აცნობეს.
მათივე ინფორმაციით, დღეს, საქართველოს წითელი ჯვრის საზოგადოების პრეზიდენტი ნათია ლოლაძე, ქალაქ თბილისის მერი კახა კალაძე და მერის მოადგილე ილია ელოშვილი პროდუქტის მიღებისა და დახარისხების პროცესს გაეცნენ.
ამანათები მარტოხელა მოხუცებს წითელი ჯვრის მიერ გადამზადებული მოხალისეების საშუალებით გადაეცემათ.