ვაზიანის სამხედრო ბაზიდან ვირუსის სიმპტომებით კლინიკაში 5 სამხედრო მოსამსახურე გადაიყვანეს

ვაზიანის სამხედრო ბაზიდან ვირუსის სიმპტომებით კლინიკაში 5 სამხედრო მოსამსახურე გადაიყვანეს.

სამხედროები თბილისის სახელმწიფო სამედიცინო უნივერსიტეტის პირველ საუნივერსიტეტო კლინიკაში არიან მოთავსებული. კლინიკის დირექტორის, ლევან რატიანის განცხადებით, აღნიშნული პირების ანალიზები დილით ლუგარის ცენტრში გადაიგზავნება.

„რამდენიმე საათის წინ, ჩვენ კლინიკაში ხუთი სამხედრო პაციენტი შემოვიდა, რომელსაც გრიპი და გრიპის მსგავსი სიმპტომატიკა აღენიშნებათ, ზედა სასუნთქი გზების გამოვლინებებით. ამ ეტაპზე, მათ ლაბორატორიული კვლევა უტარდებათ. ასევე, ხვალ დილისთვის აღებული იქნება კორონავირუსზე ბიოლოგიური მასალა და გაიგზავნება ლუგარის ცენტრში. ამ ეტაპზე მათი მდგომარეობა სტაბილურია“, - განაცხადა ლევან რატიანმა.

კითხვაზე, იმყოფებოდნენ, თუ არა სამხედროები მარნეულში, რატიანი ამბობს, რომ აღნიშნული მისი პრეროგატივა არ არის.

ლევან რატიანის ინფორმაციით, ამ ეტაპზე ჩატარებული კვლევებით პათოლოგიური ცვლილებები არ ვლინდება.

ცნობისთვის, ამ დროისთვის საქართველოში ახალი კორონავირუსით დაინფიცირების 75 შემთხვევაა დადასტურებული, მათგან 10 უკვე გამოჯანმრთელდა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს