საქართველოში ამ დროისთვის კორონავირუსით ინფიცირებული 5 ბავშვია

იაშვილის სახელობის ბავშვთა ცენტრალური საავადმყოფოს სამედიცინო დირექტორის, ივანე ჩხაიძის ინფორმაციით, საქართველოში ბოლო მონაცემებით კორონავირუსი 5 ბავშვს დაუდასტურდა.

როგორც ჩხაიძემ პრესკონფერენციაზე განაცხადა, ყველა მათგანის შემთხვევაში დაავადება მსუბუქად მიმდინარეობს და არცერთ მათგანში ფილტვების ანთება დაფიქსირებული არ არის.

„საქართველოში კორონავირუსით 5 ბავშვია დღეისთვის დაინფიცირებული. საერთო რაოდენობიდან შეიძლება ჩაითვალოს, რომ 5 ბევრია, მაგრამ პედიატრიულ პაციენტებში ეს დაავადება მიმდინარეობს მსუბუქად. საქართველოში ყველა ბავშვის მდგომარეობა მიმდინარეობს მსუბუქად, არცერთ ბავშვში ფილტვების ანთება არ დაფიქსირებულა. ამიტომ, კორონავირუსი ბავშვებში არის იშვიათი და თუ მიმდინარეობს, მიმდინარეობს მსუბუქად ან საშუალო სიმძიმით“, - განაცხადა ჩხაიძემ.

მისივე თქმით, მსოფლიო მონაცემების მიხედვითაც, დღემდე ითვლება, რომ კორონავირუსით ინფიცირება ბავშვებში იშვიათია.

„პირველი მონაცემები ძირითადად ეყრდნობოდა ჩინურ კვლევებს და ჩვენი ჩინელი კოლეგების მიერ გამოქვეყნებულ სტატიებს. აღნიშნული იყო ძალიან მცირე გავრცელება პედიატრიულ პაციენტებში. ამის შემდეგ მეორე პარტია პუბლიკაციების იყო იტალიელი ავტორების მიერ წარმოდგენილი და დაემატა ამერიკელი კოლეგების სტატიებიც, არსად ფიქსირდება პირველი ინფორმაციის საწინააღმდეგო აზრი, ანუ, დღემდე ითვლება, რომ კორონავირუსი ისევე როგორც იყო პირველი კვლევების მიხედით, ძალიან იშვიათია პედიატრიულ ასაკში. სამი განსახვავებული წყაროა. ბავშვების ინფიცირების კუთხით, ჩინური წყარო ასახელებს 2%-ს, იტალიური კოლეგების მიერ არის 1.2 % დაფიქსირებული, ამერკელების მიერ - 5%, თუმცა ამას აჩვენებენ საერთო რაოდენობაში და ჰოსპიტალიზაციის შემთხვევები არის 1%-ს პედიატრიულ პაციენტებში“,- განაცხადა ჩხაიძემ.

იხილეთ ვიდეო: საქართველოში ამ დროისთვის კორონავირუსით ინფიცირებული 5 ბავშვია

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი