თსსუ-ს პირველი საუნივერსიტეტო კლინიკის კლინიკური დირექტორი -  80 და 62 წლის პაციენტების მდგომარეობა მძიმეა

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკური დირექტორის ლალი ტურძელაძის განცხადებით, მათ კლინიკაში მოთავსებული პაციენტებიდან, 5-ის კონტაქტი ცნობილი არ არის. როგორც ტურძელაძემ ჟურნალისტებს განუცხადა, 5-ვე მათგანი მარნეულიდან გადმოიყვანეს.

ექიმის ინფორმაციით, მარნეულიდან ასევე ელოდებიან კიდევ ერთ პაციენტს, რომელსაც კორონავირუსი დაუდასტურდა.

„ერთი ქალბატონი, მანამდე ვინც ჩამოვიყვანეთ მარნეულიდან, აპარატზეა გადასული. მისი მდგომარეობა მძიმეა. დღეს გვქონდა განხილვა და პარამეტრები მცირედ გაუმჯობესდა, მაგრამ ისევ მძიმედ რჩება. მოხსნა აპარატიდან ვერ ხერხდება. მის შემდეგ კიდევ შემოვიდა 4 პაციენტი მარნეულიდან, 3 ქალი და ერთი ახალგაზრდა მამაკაცი. მათგან დედა და ორი შვილია. თავს ცუდად არ გრნობენ, მაგრამ კომპიუტერულ ტომოგრაფიაზე პნევონიაა მათთან კარგად გამოხატული. რაც შეეხება მათ ნათესავ ქალს, მასთან მდგომარეობა უკეთესია.

ამ წუთში ჩვენს კლინიკაში არის 55 პაციენტი, აქედან 12 არის დაინფიცირებული კორონავირუსით. ჯერჯერობით ახალი პაციენტი არ დაგვმატებია, გუშინ გაკეთებულ ყველა ტესტზე უარყოფითი იყო პასუხი. ახლა ველოდებით მარნეულიდან ერთ დადასტურებულ შემთხვევას. არ ვიცით არც სქესი, არც ასაკი“, - განაცხადა ტურძელაძემ.

როგორც ტურძელაძე ამბობს, პაციენტების ნაწილის კონტაქტები ცნობილია, თუმცა ეპიდემიოლოგები ადგენენ კონტაქტებს მარნეულიდან გადმოყვანილ 5 პაციენტზე.

„მათ შორის მარნეულიდან გადმოყვანილი ქალის კონტაქტებს, რომლის მდგომაეობაც მძიმეა და აპარატზეა მიერთებული. თითქოს გავიდნენ რაღაც კონტაქტებზე, მაგრამ მარნეულიდან ჩამოსულები ჩვენთვის მაინც უცნობია, დანარჩენი 7 პაციენტის კონტაქტი ცნობილია. როგორც აღვნიშნე კიდევ ველოდებით ერთ პაციენტს, რომელიც ჩვენთან ახალი პაციენტი იქნება და დაგვემატება მე-13 პაციენტი.

აქედან, როგორც აღვნიშნე 80 და 62 წლის პაციენტების მდგომარეობაა მძიმე. 80 წლის ქალის მდგომარეობა მძიმე იყო შემოყვანისას, კიდევ უფრო დამძიმდა და აპარატულ სუნთქვაზე გადავიყვანეთ. ახლაც მძიმეა მისი მდგომარეობა. ყველაფერი კეთდება, რეანიმაციული ბრიგადა მთელი დატვირთვით მუშაობს, რომ მათი მდგომარეობა გაუმჯობესდეს, მაგრამ მძიმეა ორივე შემთხვევა“, - განაცხადა ტურძელაძემ.

იხილეთ ვიდეო:თსსუ-ს პირველი საუნივერსიტეტო კლინიკაში მოთავსებული 80 და 62 წლის პაციენტების მდგომარეობა მძიმეა

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი