ფონდი World of Diaspora-ს დამფუძნებელი - ქართველი ემიგრანტები ნიდერლანდებში დარჩენილ თანამემამულეებს ეხმარებიან

ქართველი ემიგრანტები ნიდერლანდებში დარჩენილ თანამემამულეებს ეხმარებიან. როგორც „ინტერპრესნიუსს“ ფონდ World of Diaspora-ს დამფუძნებელმა, ნიდერლანდებში მცხოვრებმა ლალი ბუთბაიამ განუცხადა, ამსტერდამი-თბილისის ავიარეისის გაუქმების გამო, ათეულობით მგზავრმა საქართველოში ჩამოსვლა ვერ მოახერხა და საქართველოს საელჩომ ნიდერლანდების სამეფოში ისინი სასტუმროში დააბინავა. მათი ყოფითი პრობლემების მოსაგვარებლად კი ემიგრანტების ნაწილი გაერთიანდა და ფინანსების მობილიზება დაიწყეს.

მისი თქმით, შეგროვილი თანხის ნაწილი თანამემამულეებს გადაეცათ, თანხის ნაწილით კი, საჭირო ჰიგიენურ ნივთებს, საკვებსა და ტანსაცმელს შეიძენენ.

„მე ექვსი გაერთიანებული მერიის იურიდიული მრჩეველი და მუნიციპალიტეტის საგადასახადო სამსახურის მთავარი სპეციალისტი ვარ სამსახურში, სადაც კორონავირუსი დაუდგინდა თანამშრომელს. ამიტომ, თვითიზოლაციაში ვარ. თბილისის ავიარეისის გაუქმების გამო, ჩვენი თანამემამულე მგზავრები ცუდ დღეში აღმოჩნდნენ. ჩემი და თანამოაზრეების ინიციატივით, კრიზის-ჯგუფი შეიქმნა. ჩვენმა საელჩომ ისინი სასტუმროში დააბინავა, თუმცა ფულად დახმარებაზე და საჭირო ნივთების შეძენაზე ჩვენ ვზრუნავთ. მადლობა მინდა გადავუხადო საელჩოს, საკონსულოსა და ნიდერლანდების სამეფოში მცხოვრებ ქართველებს, ვინც ამ რთულ პერიოდში გულისხმიერება გამოიჩინა. რამდენიმე საათში 2000 ევრო უკვე შეგროვდა. დღესაც ველოდებით ფინანსურ დახმარებას. თორმეტ ჩვენს თანამემამულეს უკვე დავეხმარეთ. ახლა ის დროა, ერთმანეთს დავუდგეთ გვერდით და დავეხმაროთ“,-განაცხადა ლალი ბუთბაიამ.

როგორც World of Diaspora-ს დამფუძნებლი აცხადებს, გახსნილია „ფეისბუქ-ჩატი“ სადაც ნიდერლანდების სამეფოში საქართველოს საკონსულოს წარმომადგენლები, ემიგრაციაში მყოფი იურისტი, ექიმი, ფსიქოლოგი და სხვა პროფესიის ადამიანები არიან გაწევრებულები, რომლებიც 24 -საათიან რეჟიმში მიიღებენ ინფორმაციას და შეძლებისდაგვარად დაეხმარებიან გასაჭირში მყოფ თანამემამულეებს.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია