დედაქაალქის მერის, კახა კალაძის განცხადებით, კომპანიების მხრიდან მარტოხელა ხანდაზმულებისთვის ნობათის გადაცემის კამპანიაში ინიციატივები დიდია.
როგორც კალაძემ ჟურნალისტებს განუცხადა, მერია ამ პროცესს ორგანიზებას უწევს, რათა ადამიანები, რომლებიც ხანდაზმულებს პროდუქტს უშუალოდ გადასცემენ, არ დაზიანდნენ და არც სხვები დააზიანონ.
„ძალიან დიდია ინიციატივები კომპანიების მხრიდან. დიდია სურვილი ჩართულობის და ჩვენ ამას ვუკეთებთ სწორ ორგანიზებას, ვაკეთებთ იმას, რომ ადამიანები, ვინც ჩართული არიან ამ პროცესში და ვისაც აქვთ ეს პროდუქტები ოჯახებში, დაცულები იყნენ და ყველას გავლილი აქვს მომზადება „წითელ ჯვართან“ ერთად. რომ არ დაზიანდნენ თვითონ და არ დააზიანონ სხვაც, ამის ორგანიზებაც ძალიან მნიშვნელოვანია“, - განაცხადა კალაძემ.