ჯანდაცვის მინისტრი - ტესტების კომერციალიზაციას ვეწინააღმდეგებით იქიდან გამომდინარე, რომ დღევანდელ მდგომარეობაში არავის აქვს უფლება, მოგება ნახოს ადამიანებზე, რომლებიც ასეთი გამოწვევის წინაშე არიან

ის, რომ ჩვენ ტესტების კომერციალიზაციას ვეწინააღმდეგებით, გამომდინარეობს იქიდან, რომ დღევანდელ მდგომარეობაში არცერთ უწყებას და არც კერძო სექტორს არ აქვს უფლება, მოგება ნახოს ადამიანებზე, რომლებიც ასეთი გამოწვევის წინაშე არიან, - ამის შესახებ ჯანდაცვის მინისტრმა ეკატერინე ტიკარაძემ საკოორდინაციო საბჭოს სხდომის დასრულების შემდეგ განაცხადა, რითაც უპასუხა კითხვას, რატომ ეწინააღმდეგება სამინისტრო სწრაფი ტესტების კომერციალიზაციას კერძო სექტორის მიერ. ჯანდაცვის მინისტრის ინფორმაციით, სამედიცინო საქმიანობის სახელმწიფო რეგულირების სააგენტომ ოთხ კომპანიას საქართველოში სწრაფი ტესტებისა და PCR ტესტების შემოტანის უფლება მისცა. ტიკარაძის განცხადებით, ტესტების ხარისხი მკაცრად კონტროლდება.

„არ გვაქვს შეცდომის დაშვების უფლება და ძალიან მკაცრები ვართ იმ კუთხით, რომ ვაკონტროლებთ ტესტის ხარისხს. ამ საკითხზე ინტენსიურად მუშაობს როგორც დაავადებათა კონტროლის ცენტრი, ასევე რეგულირების სააგენტო. დღეის მდგომარეობით, რეგულირების სააგენტოში 8 კომპანიას ჰქონდა დოკუმენტაცია წარმოდგენილი საქართველოში ტესტების შემოტანაზე. რეგულირების სააგენტომ, დაავადებათა კონტროლის ცენტრთან გავლილი კომუნიკაციის საფუძველზე, ოთხ ასეთ კომპანიას მისცა როგორც სწრაფი ტესტების, ასევე PCR ტესტების საქართველოში შემოტანის უფლება.

ის, რომ ჩვენ ტესტების კომერციალიზაციას ვეწინააღმდეგებით, გამომდინარეობს იქიდან, რომ დღევანდელ მდგომარეობაში არცერთ უწყებას და არც კერძო სექტორს არ აქვს უფლება, მოგება ნახოს ადამიანებზე, რომლებიც ასეთი გამოწვევის წინაშე არიან. ჩვენ ვეწინააღმდეგებით ამ კომპანიების მიერ იმ კომერციული ფასების დადგენას, რომელიც საქართველოში უკვე იყო დაფიქსირებული. აქედან გამომდინარე, მივიღეთ გადაწყვეტილება, რომ მოხდება თანხის ფიქსირება და უმეტეს შემთხვევაში ეს თანხები გადახდილი იქნება სახელმწიფოს მხრიდან, როდესაც ტესტირების ჩასატარებლად ასევე იქნება ექიმის დამადასტურებელი ჩვენება.

ასევე, მნიშვნელოვანია, რომ დაავადებათა კონტროლის ეროვნული ცენტრის მხრიდან უკვე შერჩეულია 7 კერძო ლაბორატორია, რომელსაც მინიჭებული აქვს უფლება, ჩაატაროს ტესტირებები და მათ ეს ტესტები ლუგარის ლაბორატორიიდან საჩუქრად აქვთ გადაცემული,“ - განაცხადა ტიკარაძემ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო