უკრაინის პრეზიდენტის განცხადებით, 27 მარტიდან კორონავირუსის პანდემიის გამო, ხელისუფლება იძულებულია, საზღვრები ჩაკეტოს, მათ შორის, უკრაინის მოქალაქეებისთვის. ხოლო, ვინც უცხოეთში დარჩა, მათ დაბრუნებაზე დიპლომატები იზრუნებენ.
"27 მარტს სახელმწიფო საზღვარი დაიკეტება და შეწყდება ყველა სამგზავრო გადაზიდვა. ორი კვირის წინ ჩვენ მოვუწოდეთ მოქალაქეებს უკრაინაში დაბრუნებულიყვნენ. უმეტესობამ, რომელთა მადლობელი ვარ, ეს დამოუკიდებლად გააკეთა. სხვები, დაახლოებით 80 ათასი უკრაინელი, დავაბრუნეთ თვითმფრინავებით, მატარებლებით და ავტობუსებით. დღეს უკვე ლოდინის დრო აღარ არის. ჩვენ რთული არჩევნის წინაშე აღმოვჩნდით იმ მოქალაქეებს შორის, რომლებიც საზღვარგარეთ იმყოფებიან და 40 მილიონ მოქალაქეს შორის, რომლებიც ქვეყნის შიგნით არიან“ , - განაცხადა ვლადიმერ ზელენსკიმ თავის ვიდეომიმართვაში.
მისი თქმით, იმ უკრაინელებზე, რომლებიც ვერ მოასწრებენ უახლოეს დღეებში დაბრუნებას, უკრაინის დიპლომატიური წარმომადგენლობები იზრუნებენ.