მარნეულში კორონავირუსით დაინფიცირებული 62 წლის ქალის შვილი დედის მდგომარეობაზე და დაინფიცირების სავარაუდო წყაროზე საუბრობს

მარნეულში ახალი კორონავირუსით დაინფიცირებული 62 წლის ქალის შვილმა „პალიტრანიუსის“ ეთერში, გადაცემაში „360 გრადუსი“ ექსკლუზიურად პაციენტის მდგომარეობაზე და დაინფიცირების სავარაუდო წყაროზე ისაუბრა.

მისი თქმით, მას ზუსტი ინფორმაცია არ აქვს, თუ როგორ გრძნობს დედამისი თავს, თუმცა ექიმებთან სატელეფონო კომუნიკაცია აქვს და ეუბნებიან, რომ პაციენტი სტაბილურად მძიმეა.

დაინფიცირებული ქალის შვილის თქმით, გამორიცხულია, რომ დედამისი აზერბაიჯანში დაინფიცირებულიყო.

"ეს გამორიცხულია, იმიტომ, რომ დედაჩემი აზერბაიჯანში 2019 წელს იყო. და ამის შემდეგ არ ყოფილა. პასპორტში ბეჭედიც კი არის ჩარტყმული",-აცხადებს ის.

მისივე განცხადებით, უცნობია, დაინფიცირების ზუსტი წყარო, თუმცა, მისი თქმით, "დეიდასთან სახლში რჩებოდა და შეიძლება, დის ოჯახის წევრია."

"თავიდან ჩვენც ვფიქრობდით, რომ დისგან გადაედო, მაგრამ სამჯერ გავუკეთეთ ეს ანალიზი და სამივეჯერ უარყოფითი პასუხი მოვიდა. აქედან გამომდინარე, დაზუსტებული პასუხი ჯერ ჩვენც არ გვაქვს, საიდან დაინფიცირდა დედა.

შეიძლება, ოჯახის წევრისგან გადაედო, თუმცა 100%-ით ვერ ვამბობ, იმიტომ, რომ დედა საზღვარგარეთ არ წასულა, მათთან კონტაქტი კი ჰქონდა, ანუ დეიდასთან სახლში რჩებოდა. შეიძლება, დის ოჯახის წევრია. მისი ნათესავები ცხოვრობენ, სადმე სხვაგან თუ იყვნენ, არ ვიცი, მაგრამ 15 მარტს ბაქოდან ჩამოვიდნენ",-აცხადებს ის.

ასევე 62 წლის ქალის შვილი ამბობს, რომ დედამისი უკვე დიდი ხანია, წელიწადნახევარია მაღაზიაში აღარ მუშაობს.

"ჯანმრთელობასთან დაკავშირებული პრობლემები ჰქონდა, გაკეთებული აქვს რამდენიმე წლის წინ გულზე ოპერაცია, აქვს დიაბეტი, წნევა აწუხებდა, ჰქონდა თირკმელების პრობლემა. ბევრი რამ აწუხებდა, მაგრამ ბოლო პერიოდში რასაც უჩიოდა, წავიყვანეთ კლინიკაში და იქ დააწვინეს ორმხრივი პნევმონიის დიაგნოზით და სამ დღეში უკვე აპარატზე შეაერთეს, შემდეგ უკვე ანალიზები გაუკეთეს და კორონავირუსი დაუდასტურდა. და ჩვენ თვითონვე ვართ გაკვირვებულები, საიდან დაინფიცირდა ამ ვირუსით.

სახლში საერთოდ არ მკურნალობდა. რამდენიმე დღე აწუხებდა და მაშინვე წავიყვანეთ კლინიკაში, სუნთქვა უჭირდა, რენდგენი გაუკეთეს და ორმხრივი პნევმონია დაუდგინეს. აქამდე ის სოფელში დასთან იმყოფებოდა. შემდეგ და დააწვინეს საავადმყოფოში, მერე დაბრუნდა, ამბობდა, რომ ცუდად იყო და წავიყვანეთ საავადმყოფოში.

ექიმები თავიდან ვარაუდობდნენ კორონავირუსზე, და მაშინვე იზოლაციაში გადაიყვანეს. საღამომდე იქ ჰყავდათ, მერე მივედი ექიმთან და ვკითხე, რა ხდებოდა, ანალიზები აუღეს თუ არა. როგორც ექიმებმა მითხრეს, ისინი ეჭვობდნენ, რომ ეს მხოლოდ პნევმონია იყო, სიმპტომები არ იყო კორონავირუსის მსგავსი და რეანიმაციაში გადმოიყვანდნენ. თუმცა, მოგვიანებით, ანალიზებმა კორონავირუსი დაადასტურა",- განაცხადა 62 წლის ქალის შვილმა.

მისივე თქმით, "კონტაქტები რაც იყო, ეს იყო მხოლოდ ოჯახის წევრებთან. ის ბებიასთან იმყოფებოდა თავიდან და მხოლოდ მათთან ჰქონდა კავშირი".

ის ასევე ამბობს, რომ დედამისი ქელეხში არ იყო და ბებიას იუბილეზე იმყოფებოდა 11 მარტს.

"მე კარგად ვარ, მე და ჩემს ძმას ჩაგვიტარეს ანალიზი და უარყოფითი პასუხი მოვიდა, რაც შეეხება ჩემს ნათესავებს, მის დას არ დაუდასტურდა კორონავირუსი, არც დანარჩენებს, თუმცა მათზე ზუსტ ინფორმაციას არ ვფლობ",-აცხადებს ის გადაცემაში „360 გრადუსი“.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
პლასტიკური ბარათი სასურველ ადგილას - ახალი სერვისი "ტერაბანკისგან"
aptiaqi.ge-მ „ავერსის“ პროდუქციის ონლაინ გაყიდვა დაიწყო
კომპანია „ნიკორა ტრეიდმა“ თანამშრომლების ტრანსპორტირებისთვის ყოველთვიურად 300 000 ლარი გამოყო
„ნატახტარის“ მწარმოებელი კომპანია „ეფეს საქართველო“ ახალი ვირუსის წინააღმდეგ ბრძოლის მხარდამჭერი პროგრამების განხორციელებისთვის 150 ათას ლარს გამოყოფს
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს