რელიგიის საკითხთა სახელმწიფო სააგენტო საქართველოს შიიტ მუსლიმ თემს, ალ-ჰუსეინ იბნ ალის, მესამე შიიტი იმამისა და მუჰამედის შვილიშვილის დაბადების დღეს ულოცავს. ამის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.
„დღეს შიიტი მუსლიმები ალ-ჰუსეინ იბნ ალის, მესამე შიიტი იმამისა და მუჰამედის შვილიშვილის დაბადების დღეს ზეიმობენ. შიიტები ჰუსეინს წამებულად მიიჩნევენ. მისი დაკრძალვის ადგილი, ერაყის ქალაქი ქარბალა კი ერთ-ერთ წმინდა ქალაქადაა აღიარებული. რელიგიის საკითხთა სახელმწიფო სააგენტო საქართველოს შიიტ მუსლიმ თემს ულოცავს იმამ ჰუსეინის დაბადების დღეს“, - ნათქვამია ინფორმაციაში.