ლევან რატიანის ინფორმაციით, კორონავირუსით ინფიცირებული 3 პირის მდგომარეობა გაუმჯობესებულია და მათ კლინიკა შესაძლოა, ხვალ დატოვონ

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, მათ კლინიკაში მყოფი 3 პაციენტის ჯანმრთელობის მდგომარეობა გაუმჯობესებულია და განმეორებითი კვლევის უარყოფითი პასუხის შეთხვევაში ისინი კლინიკას ხვალ დატოვებენ.

როგორც რატიანმა ჟურნალისტებს განუცხადა, მის კლინიკაში ამ ეტაპზე სულ 13 ინფიცირებული პაცინეტია.

„სულ იმყოფება 13 ინფიცირებული, ორი აქედან არის კრიტიკული მედიცინის დეპარტამენტში. დინამიკაში მათი მდგომარეობა უცვლელია. ეს იმას ნიშნავს, რომ მდგომარეობა მართვადია. რაც შეეხება დანარჩენ პაციენტებს, რომლებიც იმყოფებიან ინტენსიური თერაპიის განყოფილებაში, 3-ის მდგომარეობა მკვეთრად გაუმჯობესებულია. მართალია, დღეს მეათე დღეა, მაგრამ დღეს განმეორებით ვაგზავნით ლუგარის ლაბორატორიაში, რომ ინფიცირების შესახებ განმეორებით გავაკეთოთ გამოკვლევა, თუ არ დადასტურდა, ხვალ ისინი დატოვებენ კლინიკას“, - განაცხადა რატიანმა.

ცნობისთვის, ბოლო მონაცემებით საქართველოში კორონავირუსით ინფიცირების 81 შემთხვევაა დადასტურებული, მათგან 13 უკვე გამოჯანმრთელდა.

პატრიარქის სააღდგომო ეპისტოლე
ქართული პრესის მიმოხილვა 05.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ნიკოლოზ მეტრეველი - ჩინეთი აღარ იმალება და იცდის
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს