გეგმური ოპერაციების მომლოდინე პაციენტები 4 თვის განმავლობაში გადანაწილდებიან, - ამის შესახებ ჯანდაცვის მინისტრმა ეკატერინე ტიკარაძემ კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომის დასრულების შემდეგ ბრიფინგზე განაცხადა.
როგორც ტიკარაძემ განაცხადა, აღნიშნულ პაციენტებს ამ პერიოდის განმავლობაში პრობლემები არ შეექმნებათ.
„გეგმური ოპერაციები გადასულია 4-თვიანი მოლოდინის რეჟიმზე. მათ შეფერხებები ამ პერიოდის განმავლობაში არ ექნებათ. უბრალოდ, მათი გადანაწილება მოხდება შემდეგი 4 თვის განმავლობაში, რაც ასევე უზრუნველყოფს ჩვენი მოქალაქეების უსაფრთხოებას“, - განაცხადა ტიკარაძემ.