თამარ გაბუნია - კორონავირუსით გარდაცვლილი ადამიანების დაკრძალვის დადგენილი წესების შესრულება სავალდებულოა

ჯანდაცვის მინისტრის მოადგილის, თამარ გაბუნიას განცხადებით, კორონავირუსის დიაგნოზით გარდაცვლილი ადამიანების დაკრძალვის შესახებ დადგენილი წესების შესრულება სავალდებულოა და ის მაქსიმალური სიზუსტით უნდა შესრულდეს.

„ჯანმრთელობის მსოფლიო ორგანიზაციამ გამოაქვეყნა სრული პაკეტი იმ რეგულაციების და წესების, რაც ყველამ სახვადასხვა გარემოში უნდა გაითვალისწინოს. ამდენად, ჩვენც რა თქმა უნდა, სრულად შესაბამისობაში ვართ იმ საერთო პაკეტთან რეგულაციების, რაც მსგავს სიტუაციაში უნდა იყოს დაცული. ეს წესები არის შესასრულებლად სავალდებულო, რადგან დაკავშირებულია განსაკუთრებულად მნიშვნელოვან საზოგადოებრივი ჯანდაცვის პრობლემასთან. ამდენად ყველა ის წესი, რომელიც ამ კონკრეტულ წესთან ერთად გამოიცა მინისტრის ბრძანებით, უნდა შესრულდეს მაქსიმალური სიზუსტით,“- განაცხადა თამარ გაბუნიამ.

შეგახსენებთ, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ და დაავადებათა კონტროლის ეროვნულმა ცენტრმა, კორონავირუსის დიაგნოზით გარდაცვლილი ადამიანების დაკრძალვის რეკომენდაციები შეიმუშავა.

დოკუმენტის თანახმად, კორონავირუსის ეპიდემიის პირობებში სამედიცინო დაწესებულებაში პაციენტის გარდაცვალების შემთხვევის მართვის დროს დაცული უნდა იყოს ინფექციის კონტროლის კონკრეტული ღონისძიებები.

იხილეთ ვიდეო: ჯანდაცვის სამინისტროში აცხადებენ, რომ კორონავირუსით გარდაცვლილი ადამიანების დაკრძალვის წესების შესრულება სავალდებულოა

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს