ერთი თვის განმავლობაში დაახლოებით 250-ზე მეტი პაციენტია შემოსული და გატარებული რესპუბლიკურ საავადმყოფოში, - ამის შესახებ რესპუბლიკური საავადმყოფოს კლინიკურმა დირექტორმა დევი ტაბიძემ ჟურნალისტებს განუცხადა.
მისივე ინფორმაციით, მოხალისეთა ჯგუფებში თბილისის სახელმწიფო სამედიცინო უნივერსიტეტის 25 სტუდენტი ჩაერთო და ისინი ქვეყნის მასშტაბით საკარანტინო სივრცეებში მყოფ ადამიანებს მოემსახურებიან.
„სახელმწიფო სამედიცინო უნივერსიტეტის 25 სტუდენტი ჩაება მოხალისეთა ჯგუფში, დღეს ისინი გადიან ტრენინგს, გუშინაც გაიარეს და გავლენ საველე სამუშაოზე იმ სასტუმროებში, სადაც განთავსებული არიან ადამიანები დაკვირვების ქვეშ, კარანტინის მდგომარეობაში და მოემსახურებიან მათ და ჩვენ დიდ დახმარებას გაგვიწევენ“, - განაცხადა ტაბიძემ.